Rexhepi pranon të gjeturat e raportit të DASH-it

Raporti i Departamentit Amerikan të Shtetit për trafikim të
qenieve njerëzore në Kosovë vlerësohet real nga Ministria e Brendshme e
Kosovës. Ministri Bajram Rexhepi tha se kanë ndërmarrë disa masa, dhe
sipas tij është bërë progres në luftimin e kësaj dukurie.Por,
ministri Rexhepi tha se duhet ende përpjekje në luftimin dhe
parandalimin e kësaj dukurie. “Me reformat e ndërmarra presim rezultate
me efikase sa i përket politikës ndëshkimore për personat e përfshirë në
trafikim. Kosova rendohet në bllokun e dytë së bashku me shumë shtete
demokratike, por dhe jemi në grupin e dytë së bashku me 10 shtet të
Unionit Evropian. E konsiderojmë se Kosova ka bërë përparim në këtë
lëmi”, tha Rexhepi, raporton RTK.
Ministri Rexhepi tha se problem mbetet veriu i Kosovës, ku vlerësohet
se zhvillohet më shumë trafikimi i qenieve njerëzore. “Një numër i madh
i të gjitha këtyre trafikimeve bëhet në pjesën veriore, ku na nuk kemi
efikasitet të duhur dhe në bazë të raporteve të organizatave të tjera që
merren me këtë çështje, figuron që në pjesën veriore ka më shumë
prostitucion dhe në përgjithësi keqpërdorim apo detyrim të punës së
njerëzve të mitur”, tha Rexhepi.
Ministri Rexhepi tha ndër të tjera se gjatë 2010 janë zhvilluar 190
hetime, janë arrestuar 121 persona, janë identifikuar 39 viktima dhe
janë mbyllur 88 lokale. /Telegrafi/