LDK : Parregullsi në rivotimin në Mitrovicë

Prishtinë, 23 janar - Parregullsi janë vërejtur edhe sot në rivotimin në Mitrovicë. Në vendvotimin numër 1102b/13, në Mitrovicë, në kohën e hapjes së vendvotimit, është raportuar se janë 650 fletëvotime, kurse në orën 12:00 është konstatuar që janë 600 fletëvotime. Nuk është aspak e qartë se çfarë ka ndodhur me 50 fletëvotime.
Për këtë Shtabi Zgjedhor i LDK-së në Mitrovicë ka informuar Komisionin Komunal Zgjedhor, ndërsa Shtabi Qendror i LDK-së ka njoftuar Komisionin Qendror të Zgjedhjeve.
Lidhja Demokratike e Kosovës bën thirrje që të respektohen normat dhe ligji e që të mos vazhdohet të deformohet vullneti i qytetarëve të komunës së Mitrovicës.