VV:Edhe në këto rivotime po përsëritet skenari i 12 dhjetorit dhe 9 janarit

Haxhi Bejta (këshilltar i Sami Lushtakut), së bashku me persona të tjerë nga Prekazi, edhepse të pautorizuar, në orën 13:08 ndodhen brenda qendrës së votimit, në shkollën fillore “Migjeni” 1102b. I njëjti sulmoi fizikisht vëzhguesin e Lëvizjes VETËVENDOSJE!, Frashër Krasniqi, në Prekaz të Epërm, në rivotimet e 9 janarit, rast ky i cili u denoncua në polici. Prezenca e tij në këtë vendvotim paraqet rrezik për vëzhguesin e Lëvizjes, Frashër Krasniqi, i cili ndodhet në këtë vendvotim.

Në orën 13:15 në shkollën fillore “Bedri Gjina”, vendvotimi 1111b, po përdoren forma të presionit psikologjik ndaj vëzhguesit të Lëvizjes VETËVENDOSJE! Kushtrim Dakaj, nga komisioneri i LDK-së, Xhevdet Baftiri, duke e kërcënuar me nxjerrje jashtë nga vendvotimi, pa asnjë arsye.

Në Qendrën e Votimit 1111/B, në shkollën fillore “Bedri Gjina”, menaxherja Shahe Salihu po e pengon koordinuesin e Lëvizjes VETËVENDOSJE!, Erzen Islamin që t'ua shpërndajë ushqimin vëzhguesve të Lëvizjes VETËVENDOSJE!. Atij po i mohohet çdo kontakt me ta gjatë tërë ditës.

Rreth orës 17:00, në shkollën fillore "Fazli Grajqefci", në Shipol të Mitrovicës, në Qendrën e Votimit 1103/B, Murat Tahiri nuk ka pasur mundësi për të votuar. Dikush tjetër kishte nënshkruar në emer të tij në listën e votuesve. Pas insistimit të votuesit ai është dërguar të votojë me kusht.

Në qendrën e votimit 1105b, shkolla fillore "Skënderbeu" në Vaganicë, sipas vëzhguesit të Lëvizjes VETËVENDOSJE! Alban Lahut, po bëhet votim i shumëfishtë, i organizuar nga djali i Bekim Haxhiut-Kamishit dhe Idriz Bajraktarit.Në këtë moment është ndalë rryma elektrike në këtë shkollë.

Në lagjen Bajr votohet në emër të personave të vdekur.

Në shkollën fillore “Ismail Qemali”, në vendvotimin 1104b, në lagjen Bajr të Mitrovicës, janë gjetur tre nënshkrime tek emrat e personave të vdekur.