Sprej për ndaljen e urisë

Londër, 24 janar - Shumë njerëz nuk mund t’i rezistojnë aromës së ushqimit, i cili i bën të hanë edhe kur nuk janë të uritur dhe për këtë arsye kanë telashe me peshën trupore.
Hulumtuesit amerikanë kanë gjetur zgjidhjen në sprejin për hundë, i cili maskon aromën e ushqimit dhe në këtë mënyrë ndihmon njerëzit ta largojnë peshën e tepërt.
Rezultatet e testeve të para në njerëz te të cilët është përdorur ky sprej tregojnë se atyre u është bllokuar shqisa e aromës.
Të anketuarit për këtë shkak kanë treguar më pak interesim për ushqim, kështu që edhe e kanë konsumuar më pak.