Trajnerëve kosovarë u ndahen diplomat për licencën A

Prishtinë, 26 janar - Njëzet trajnerët e futbollit të Kosovës, në një ceremoni solemne, kanë marrë diplomat për licencën A të fituara gjatë seminarit njëmujor të organizuar nga Federata Shqiptare e Futbollit, fundvitin që shkoi në Tiranë. Ceremonia u mbajt të martën në Shtëpinë e Sporteve në Prishtinë. "Jam i kënaqur me bashkëpunimin që patën dy federatat, sidomos në edukimin e trajnerëve. Ky bashkëpunim do të vazhdojë edhe në të ardhmen", ka thënë drejtori teknik i FSHF-së, Astrit Maçi.