Jagland: Akuzat e Martyt s’mund të mbesin pa përgjigje

Prishtinë, 28 janar - “Bashkimi Evropian ka deklaruar se EULEX-i do t’i marrë seriozisht akuzat e paraqitura në raportin e Dick Martyt. Kam marrë një letër nga zoti Thaçi që thotë se do të bashkëpunojë me EULEX-in. Shpresoj që kjo të funksionojë. Këto akuza nuk mund të mbeten pa përgjigje”, ka deklaruar Thorbjorn Jagland.
Jagland, kryesuesi i Këshillit të Evropës, i ka bërë komentet në një intervistë për agjencinë gjermane të lajmeve DPA, raporton REL.
Jagland tha se ishte ende herët të thuhej çfarë hapash do të merreshin nëse akuzat e Martyt do të mbeteshin thjesht në letër. Ai shtoi se raporti i vitit 2006 i Dick Martyt mbi burgjet sekrete të CIA-s në Evropë pati ndikim.