AAK pret ofertën e PDK-së

Sekretari i përgjithshëm i Aleancës për Ardhmërinë e Kosovës, Burim Ramadani, gjatë një bisede për RTK-në, ka thënë se partia e tij po pret ofertën nga Partia Demokratike e Kosovës- partia fituese e zgjedhjeve të 12 dhjetorit.

“Ne po presim një ofertë të PDK-së. Do ta shqyrtojmë dhe pastaj do të prezantojmë kundër-ofertën”, ka thënë Ramadani.

Ndërkaq, gjatë ditës është raportuar edhe për zyrtarizimin e koalicionit në mes të PDK-së dhe AAK-së për ta qeverisur Prizrenin. Ramadan Muja nga PDK dhe Bislim Zyrapi nga AAK, pas nënshkrimit të marrëveshjes, kanë thënë se ajo është arritur me bekimin e krerëve të të dyja partive, Hashim Thaçi dhe Ramush Haradinaj.

Zyrapi megjithatë ka thënë se lidhja e koalicionit në Prizren nuk do të thotë se një gjë e tillë doemos do të ndodhë edhe në qendër.

Sido që të jetë, bisedimet e PDK-së me partitë tjera pritet të nisin të martën, pasi që e hëna pritet të shënojë certifikimin e zgjedhjeve nga ana e KQZ-së