Norvegjia me spiunë në Kosovë

Në secilin vend ku marrin pjesë trupat paqeruajtëse norvegjeze, krahas tyre merr pjesë edhe Shërbimi Sekret i Norvegjisë.

Pas shpalosjes së dokumentit mbi agjentët sekretë norvegjez mbi pjesëmarrjen e tyre në aktivitetet sekrete në Kosovë, gazeta e njohur norvegjeze “Dagblated” ka zbuluar edhe një dokument tjetër, transmeton portali lajmet.comeze.
Pohimi i agjentit sekret, i cili kishte shërbyer në Kosovë, se “Qeveria ka dashur vetëm të siguroj trupat e saja paqeruajtëse përpara se ato të arrijnë në Kosovë” është e saktë mirëpo se prania e agjentëve sekretë nga Norvegjia në Kosovë daton që nga vitet e 90-ta të shekullit të kaluar.
Grupi i agjentëve norvegjezë, i ashtuquajturi E-14, kishte analizuar situatën në Kosovë dhe kishte njoftuar Qeverinë norvegjeze mbi situatën që ishte duke u zhvilluar në Kosovë.
Po ashtu kishte analizuar edhe personalitetet të cilat atëkohë ishin në krye të popullatës shqiptare nga Kosova. Grupi E-14 kishte përpiluar analizën e cila kishte zgjedhur Ibrahim Rugovën si politikani i vetëm në Kosovë i cili është në gjendje të krijojë një stabilitet në Kosovë.
Kjo analizë nga E-14 ishte dërguar edhe në agjencitë tjera sekrete evropiane dhe ato amerikane, mirëpo agjencitë sekrete nga SHBA-të kishin refuzuar planin e E-14, duke theksuar se një planifikim i tillë nuk është një çështje e Norvegjisë por një çështje e NATO-s.
Më vonë, NATO kishte zgjedhur raportin e agjentëve të Norvegjisë si një raport të suksesshëm.