Rusi krijon akuariumin më të vogël në botë

Londër, 23 shkurt - Krijuesi siberian i miniaturave, Anatoly Konenko, ka krijuar akuariumin më të vogël në botë.
Akuariumi është i lartë 30 milimetra, i gjatë 24 dhe i gjerë vetëm 14 milimetra. Në të mund të ketë vetëm dy lugë ujë, që është rreth 10 mililitra. Konenko e ka pajisur me gjithçka që stolis shumicën e akuariumeve. Ai e ka menduar për peshqit më të vegjël, që mund të kënaqen me bimët miniaturë, transmeton gazeta britanike “Metro”.
Përveç akuariumit, Konenko ka krijuar edhe një kopje të rrallë të kullës së Eiffelit vetëm 32 milimetra, si dhe librin më të vogël në botë me vetëm 9 milimetra.