Rusia kundër popullit libian

Gjenevë, 1 mars - Rusia është kundër planeve të diplomatëve amerikanë dhe evropianë për vendosjen e zonës së ndaluar për fluturime mbi Libi, në mënyrë që të pengohet aviacioni i Gadafit të sulmojë kryengritësit dhe popullatën civile në Libi.

Ministri rus i Punëve të Jashtme, Sergej Lavrov, i cili gjendet për vizitë në Gjenevë, nuk pranoi të përkrahë propozimin për vendosjen e zonës së ndaluar për fluturime dhe bëri thirrje për respektimin e plotë të rezolutës së Këshillit të Sigurimit të OKB-së për Tripolin.

Këshilli i Sigurimit i OKB-së të shtunën miratoi sanksione kundër Libisë, ku përfshihet embargoja për importin e armëve dhe ndalesa për udhëtim e anëtarëve të qeverisë së Moamer Gadafit.