Rusia presion Kenias për Kosovën

Rusia është duke bërë presion mbi Keninë që të mos e njoh pavarësinë e Kosovës. Mediat keniane raportojnë se ministri i Punëve të Jashtme të Kenisë, George Taitoti është takuar të shtunën me homologun e tij rus, Sergei Lavrov në Hotelin Interkontinental në kryeqytetin Nairobi.
Kjo vizitë bëhet vetëm disa ditë pasi ministri kenian Taioti, kishte deklaruar se ky shtet i madh afrikan së shpejti do të shqyrtojë njohjen e pavarësisë së Kosovës, transmetoi Zhurnal.

Ky kishte premtuar se së shpejti do të zhvilloj bisedime me qeverinë për njohjen e Kosovës. Gjatë kësaj vizite Qeveritarë të lartë nga Kenia kanë premtuar se së shpejti do të fillojnë marrëdhënie diplomatike mes Kosovës dhe Kenisë.

Por në takimin e së shtunës, ministri rus, Lavrov, i ka thënë homologut të tij kenian se në rast se ky shtet e njeh pavarësinë e Kosovës, atëherë marrëdhëniet jo vetëm politike, por edhe ekonomike ndërmjet Rusisë dhe Kenisë, do të dëmtohen rëndë.

Ndërkohë në lidhje me këtë çështje, ambasadori rus në Keni, ka theksuar se ”Rusia nuk do ta njohë Kosovën dhe se këtë qëndrim do mbajë edhe më tutje”, duke bërë përpjekje që edhe Keninë ta ndalojë ta bëjë këtë.

Sipas mediave keniane, zyrtarët qeveritarë kanë “ngrirë” çështjen e njohjes së pavarësisë së Kosovës, duke theksuar se një “armiqësi” me Rusinë do të sillte një krizë dhe varfëri më të lartë në tërë shtetin. /Telegrafi/