Rusia nuk e përkrahu Serbinë në OKB?

Ministri i jashtëm rus, Sergey Lavrov publikisht ka thënë se
Rusia do ta mbështes kërkesën e Serbisë që Këshilli i Sigurimit të
OKB-së të ndërmerr hapa rreth raportit për trafikim organesh në Kosovë,
ku është i përfshirë edhe kryeministrin e Kosovës, Hashim Thaçi.Mirëpo,
presidenti i Këshillit të Sigurimit për muajin maj, Gerard Araud nga
Franca, ka thënë për mediet gjatë ditës së martë se kur ai i kishte
pyetur shtetet anëtare, gjatë konsultimeve që ai pati me ta të hënën për
këtë çështje, asnjëri prej tyre nuk kishte thënë se do ta përkrahte një
gjë të tillë.
Pas fjalimit të Araudit, agjencia e lajmeve “Inner City Press” e ka
pyetur edhe një diplomat nga misioni francez rreth deklaratës së
Lavrovit.
“Po, ai e ka thënë këtë”, ka pranuar diplomati. Megjithatë, sipas
diplomatit, “ambasadori Araud tha çfarë tha. Të shohim”. Këshilli ka
vendosur që më 12 maj të diskutohet për Kosovën, raporton Zëri.
Gjatë konferencës për medie, Araud i ka quajtur edhe konsultimet në
mes të këshillit “të mërzitshme”, duke thënë shtetet anëtare thjeshtë
lexojnë fjalime. /Telegrafi/