Dështim i ri i një misioni hapësinor

Misioni amerikan i dërgimit të një sateliti vëzhgues nga Toka në hapësirë përfundoi me një dështim mesditën e sotme, ndërsa raketa shpërtheu në ajër pak pas nisjes nga një bazë në Kaliforni.

I quajtur me emrin “lavdia”, sateliti që duhej të mblidhte të dhëna të reja rreth klimës së planetit, shpërtheu pas gjashtë minutash, si rrjedhojë e një problemi të papërcaktuar ende.

Nga të dhënat paraprake besohet se aksidenti u shkaktua pasi pjesët që duhej të shkëputeshin nga raketa nuk u larguan në kohë, duke bërë që raketa të ishte tepër e rëndë dhe e ngadaltë për të dalë nga fusha e gravitetit.

Dështimi i NASA-s vjen në një moment të keq për misionet hapësinore botërore, pasi në muajt e shkuar lëshime të ngjashme satelitësh nga India dhe Rusia gjithashtu dështuan.