Vajza 11-vjeçare më inteligjente se gjeniu Einstein

Londër, 12 mars – Britanikja 11 –vjeçare Victoria Cowie ka dëshirë të notojë dhe të dëgjojë muzikë, sikundër edhe shumica e moshatarëve të saj. Mirëpo ajo që e dallon dukshëm nga ata është koeficienti i saj i inteligjencës (IQ), i cili është 162, që do të thotë se është më inteligjente sesa Albert Einstein, Stephen Hawking dhe Bill Gates, koeficienti i inteligjencës të të cilit është 160.
Në saje të rezultatit të arritur në testim, Victoria është pranuar në shoqatën “Mensa”, e cila tubon njerëzit më inteligjent në botë.
“Jam befasuar shumë kur i kam marrë rezultatet”, thotë vajza, të cilës katër shkolla prestigjioze i ofruan bursë. “ë frikëson pak që më krahasojnë me mendje të mëdha por, në anën tjetër, është e këndshme kur ju konsiderojnë aq të mençur”, shton ajo.
Rezultatet e testit kanë treguar se Victoria është më inteligjente se sa Sigmund Freud (IQ 156), Napoleon Bonaparta (145) i Hillary Clinton (140). Vetëm ata që e kalojnë koeficientin e inteligjencës IQ 148 )të tillë janë vetëm rreth 2 për qind në botë) mund të pranohen në shoqatën “Mensa”. Sa për njohuri, të themi se IQ e inteligjencës mesatare të njeriut 100.
“I dua shumë shkencat natyrore dhe kam dëshirë të bëj eksperimente, por argëtohem shumë edhe me aktrim, vallëzim dhe me instrumente muzikore”, thotë Victoria, e cila luan në piano, çelo dhe saksofon. Ajo shton se lënda mësimore më e dashur për të është biologjia dhe se dëshiron të bëhet veterinare, për arsye se i do kafshët dhe nuk ka drojë nga gjaku.
Prindërit e saj, me të cilët jeton në Claverley afër qytetit Wolverhampton, janë shumë krenarë për të. Ata për Daily Mail thonë se gjithnjë e kanë ditur se ajo është e mençur, por nuk e kanë ditur që niveli i inteligjencës së saj është në nivel të gjenive. “Kur shkonte në çerdhe, lexonte më mirë se sa fëmijët që ishin dyfish më të vjetër në moshë se ajo”, thotë nëna e Victoria, Allison, por shton se për ta ajo është megjithatë vetëm fëmijë.

Niveli i IQ i disa personaliteteve të njohura:

Napoleon - 145
Stephen Hawking - 160
Albert Einstein - 160
Bill Gates - 160
Sigmund Freud - 156
Arnold Schwarzenegger - 135
Madonna - 140
Quentin Tarantino - 160
Hillary Clinton - 140
Bill Clinton - 135
Nicole Kidman - 132