Kontrollerë më të shpejtë USB 3.0

New York, 15 mars - Nga Renesas arrijnë dy kontrollerë të rinj USB 3.0. Të dy modelet i takojnë gjeneratës së tretë të kontrollerëve të kësaj kompanie, dhe do të duhej të mundësonin shpejtësi më të mëdha të bartjes së të dhënave, me shpenzim më të vogël të energjisë.
Sipas prodhuesit, kontrollerët e rinj do të mundësojnë shpejtësi deri 40 për qind më të mëdha të bartjes së të dhënave në krahasim me gjeneratën e mëparshme, ndërsa kur nuk përdoren, pra derisa janë në gjendje qetësie, këta çipa shpenzojnë edhe deri 90 për qind më pak energji. Po ashtu, këta çipa janë për 50 për qind më të vegjël se modelet e mëparshme. Prodhimi masiv i tyre fillon gjatë shtatorit.