Policia mori kontrollin e kufirit me Maqedoninë

Prej të shtunës Policia Kufitare e Kosovës do të ruajë tërësisht kufirin me Maqedoninë. Në një ceremoni solemne u bë dorëzimi i përgjegjësisë së KFOR-it për Policinë Kufitare të Kosovës edhe për pjesën e dytë të kufirit Kosovë-Maqedoni -zonën e rrethinës së Hanit të Elezit dhe Vitisë, në gjatësi prej 50 kilometra.
Në ceremoninë e organizuar për këtë ngjarje morën pjesë komandanti i KFOR-it - gjeneralmajori Erhard Beuehler, ministri i Punëve të Brendshme - Bajram Rexhepi,
komandanti i Policisë së EULEX-it, Udo Muller etj.

Gjenerali Buhler ka thënë se bartja e kompetencave te Policia Kufitare e Kosovës në kufi me Malin e Zi do të ndodhë pas demarkacionit të kufirit, derisa për pjesën me Serbinë nuk ka dhënë ndonjë afat se kur mund të ndodhë. /Telegrafi/