PK merr edhe kontrollin e kufirit me Malin e Zi

Të shtunën, me 3 shtator 2011, në kampin “Villaggio Italia” të KFOR-it në Pejë, në ora 13:00 do të mbahet ceremonia zyrtare dhe nënshkrimi i marrëveshjes së dorëzim-pranimit të gjithë kufirit me Malin e Zi nga KFOR-i tek Policia Kufitare e Policisë së Kosovës.

Komandanti i KFOR-it, gjeneralmajori Erhard Buhler, do të marrë pjesë në këtë ceremoni bashkë me ministrin e Punëve të Brendshme të Kosovës, ministrin e Punëve të Brendshme të Malit të Zi, shefin e misionit të EULEX-it dhe Drejtorin e Policisë Kufitare të të Kosovës, thuhet në komunikatën e lëshuar për shtyp.

Deri tash, Policia e Kosovës ka kontrolluar kufirin me Shqipërinë dhe me Maqedoninë. /Telegrafi/