Vazhdon puna në Fukushima

Tokio, 22 mars – Kanë vazhduar përpjekjet në centralin bërthamor Fukushima Daiichi për të rikthyer energjinë elektrike dhe për të ftohur reaktorët, të dëmtuar seriozisht nga tërmeti i 11 marsit.
Puna u ndërpre për herë të dytë në 24 orë pas daljes së avullit dhe tymit nga dy reaktorët, transmeton BBC.
Nivelet e rrezatimit u rritën pak dhe inxhinierëve iu kërkua të linin centralin.
Ndërkohë, bilanci zyrtar i viktimave të tërmetit dhe cunamit është rritur në mbi 9 000, ndërsa 12 645 janë të zhdukur.