Demokracia varet nga puna e gjyqtarëve e prokurorëve

Presidentja e Republikës së Kosovës, Atifete Jahjaga u takua të
mërkurën me kryesuesin e Këshillit Gjyqësor të Kosovës, Enver Peci.
Jahjaga me këtë rast vlerësoi se niveli i demokracisë dhe funksionimi i
sistemit gjyqësor në Kosovë varet, në masë të madhe, nga puna e
gjykatësve dhe prokurorëve, të cilët duhet të jenë të paanshëm, të
ndershëm dhe të pa kompromis në zbatimin e ligjit.Në
njoftimin për media thuhet se kryesuesi i Këshillit Gjyqësor e njoftoi
presidenten me punën që po bën Këshilli.... dhe me angazhimet e tij në
fushën e gjyqësisë në Kosovë.
Presidentja Jahjaga tha se pavarësia dhe paanësia e sistemit gjyqësor është një nga shtyllat e demokracisë në vend.
Sipas saj, Këshilli Gjyqësor luan rol kyç në përzgjedhjen dhe
caktimin e gjykatësve që duhet bërë me kritere profesionale, bazuar në
etikën e profesionit dhe në respektimin e kritereve të përfaqësimit
nacional dhe gjinor.
Ndërkaq, kryesuesi i Këshillit Gjyqësor theksoi se kanë një
bashkëpunim të mirë me institucionet e tjera të drejtësisë në Kosovë.
/Telegrafi/