Kandidatura evropiane e Serbisë varet nga Kosova

Presidenti i Këshillit të Evropës, Herman van Rompuy, ka thënë se raportet e Beogradit dhe të Prishtinës do të jenë një nga elementet të cilat Bashkimi Evropian do t’i marrë parasysh gjatë vendosjes për kandidaturën e Serbisë për anëtarësim në Union.

Në hapjen e Forumit Serbia-BE në Beograd, van Rompuy ka thënë se çështja e Kosovës është e ndjeshme, por ka përshëndetur rezultatet në dialogun mes Prishtinës dhe Beogradit.

Ai ka thënë se e ardhmja e Serbisë është në BE, se Serbia ka punuar shumë në këtë drejtim, por se ka pengesa në përmbushjen e kushteve të Kopenhagës, ku elementet kryesore janë bashkëpunimi rajonal, sidomos në Ballkanin perëndimor që ishte i ngarkuar me luftëra. /Telegrafi/