Thaçi: Vizioni ynë – Kosova evropiane

Kryeministri i Republikës së Kosovës, Hashim Thaçi ka zhvilluar
sot një takim me ministrin për Bashkëpunim Ekonomik dhe Zhvillim të
Gjermanisë, Dirk Niebel. Në takim është biseduar për zhvillimet aktuale
në Republikën e Kosovës, për bashkëpunimin e shkëlqyer mes Kosovës dhe
Gjermanisë dhe për thellimin e këtij bashkëpunimi.Kryeministri
Thaçi falënderoi dhe i shprehu mirënjohje ministrit gjerman për
kontributin që ka dhënë qeveria dhe populli gjerman për Kosovën në
momentet më të vështira të saj, dhe tani në proceset e zhvillimit dhe të
integrimit.
Më tej, kryeministri Thaçi vlerësoi lartë bashkëpunimin mes dy
qeverive dhe shprehu gatishmërinë për thellimin e mëtejmë të këtij
bashkëpunimi në të gjitha sferat, me theks të veçantë në kuadër të
proceseve të mbështetjes së zhvillimit ekonomik të Kosovës, ku roli i
Gjermanisë është i rëndësishëm.
“Pas shpalljes së pavarësisë së Kosovës, tani vizioni kryesor yni si
Qeveri e Republikës së Kosovës dhe si institucione të Kosovës është
vizioni i Kosovës Evropiane, i zhvillimit të qëndrueshëm ekonomik, i
implementimit të të gjitha standardeve të integrimit në Bashkimin
Evropian dhe në NATO. Në këtë aspekt, ne jemi fuqimisht të përkushtuar
që këtë vizion ta realizojmë në plotëni”, u shpreh kryeministri Thaçi.
Nga ana e tij, ministri gjerman Niebel falënderoi kryeministrin Thaçi
për pritjen e përzemërt dhe vlerësoi lartë bashkëpunimin me Qeverinë e
Republikës së Kosovës. Ai ritheksoi gatishmërinë e plotë të qeverisë
gjermane për të mbësht