Kryetari i TEPCO-s kërkon falje për problemet në centralin bërthamor

Tokio, 22 mars - Nënkryetari i kompanisë Tokyo Electric Power, Norio Tsuzmi, e cila drejton centralin bërthamor Fukushima, iu kërkoi falje qytetarëve të cilët u desh të evakuoheshin nga qyteti Okuma shkaku i radioaktivitetit të shkaktuar nga dëmet në central. Ai e drejtoi faljen e tij gjatë vizitës në gjimnazin Tamuri, ku qytetarët janë strehuar nga kriza në Fukushima. “Na vjen keq që kemi shkaktuar aq shumë probleme”, tha ai kur iu drejtuar qytetarëve në strehimore. Njëherësh Agjencia Kombëtare e Policisë në Japoni thotë se ka shqetësime se numri i të vdekurve nga tërmeti dhe cunami mund ta kalojë shifrën prej 18 mijë njerëzve. Policia tha se aktualisht është konfirmuar se nga tërmeti dhe cunami kanë humbur jetën 8.600 persona, ndërsa 12.800 të tjerë konsiderohen të zhdukur. Punonjësit në Fukushima përpiqen të ftohin reaktorin për të shmangur rrezatimin e lartë, ndërsa inxhinierët arritën t'i lidhin kabllot e energjisë elektrike te reaktorët.