Bale rinovon kontratën me Tottenhamin

Londër, 22 mars - Mbrojtësi uellsian Gareth Bale do të jetë pjesë e skuadrës së Tottenhamit deri në qershorin e vitit 2015, kanë njoftuar të hënën mediumet angleze. Bale 21-vjeçar ka firmosur kontratë të re me Tottenhamin për katër vjet e gjysmë, dhe kështu u ka dhënë fund spekulimeve për një largim të mundshëm nga "White Hart Lane" në fund të këtij edicioni. "Bale është ndër futbollistët më të mirë në botë dhe ky është një lajm fantastik për ne", tha trajneri i Tottenhamit, Harry Redknapp. Për Balen interesim kanë treguar Barcelona, Real Madridi, Interi, Juventusi dhe Manchester Unitedi.