Kranjçar në janar pritet të lëshojë Tottenhamin

Mesfushori kroat Niko Kranjçar pritet që gjatë afatit kalimtar të janarit të largohet nga skuadra e Premier Leagues së Anglisë, Tottenham. Këtë e ka konfirmuar edhe trajneri i skuadrës Harry Redknapp. Kranjçar nuk është duke gjetur hapësirë te skuadra londineze dhe kërkon të largohet. "Të shohim se si do të rrjedhin gjërat për të në muajin e ardhshëm. Unë vërtet nuk do të dëshiroja ta humbisja, por edhe e kuptoj atë. Ai dëshiron të luajë pasi është lojtar i nivelit më të lartë", ka thënë Redknapp, shkruajnë mediumet angleze të premten.