Kryeministri Berisha pritet që më 27 janar të përballet me Dick Martyn

Tiranë, 11 janar - Deri në datën 24 janar, kur pritet që të fillojë mbledhja në Asamblenë Parlamentare të Këshillit të Europës, deputetët shqiptarë do përgatisin amendament në rast të votimit të një rezolute së bashku me raportin e Dick Martyt. Kundërsulmin ndaj atyre që i cilëson shpifje të sajuar në Beograd, kryeministri Berisha e njoftoi gjatë mbledhjes së qeverisë së 22 dhjetorit. “Do të insistoj, do të ndërmarrë çdo nismë ligjore në Këshillin e Europës që ky zotëri, nëse është serioz, dhe nuk ka ndërmend të shkruajë dhe ai ndonjë fiksion me këto që publikon, të dorëzojë autoriteteve të EULEX të gjitha provat dhe dëshmitarët”, tha Berisha.
Ndërkohë, më 27 janar, pritet që shefi i qeverisë së Shqipërisë, Sali Berisha, që do ta kryesoi delegacionin shqiptar në Asamblenë e Parlamentare të Këshillit të Europës, të përballet personalisht me anëtarin e asamblesë Marty, në një seancë një orëshe pyetjesh.