Rritet shqetësimi për fuqinë ekonomike të Kinës

Londër, 28 mars – Shqetësimi publik po rritet rreth fuqisë ekonomike të Kinës, ka treguar një sondazh i realizuar nga BBC.
Sondazhi është kryer me 28 mijë njerëz në 27 vende. Ai tregon për rritjen e konsiderueshme të anketuarve, të cilët thonë se rritja e fuqishme ekonomike e Kinës është një gjë e keqe.
Shqetësimet janë shprehur te një numër i konsiderueshëm i partnerëve kryesorë tregtarë të Kinës.
Në të gjitha vendet ku është kryer sondazhi, rreth 50 % e të anketuarve kanë pasur opinion pozitiv për fuqinë ekonomike të Kinës, ndërsa 33 % e tyre kishin mendim negativ.