Respektoj gjykatën!

Presidenti i Kosovës, Behgjet Pacolli, tha të martën se do ta respektojë vendimin e Gjykatës Kushtetuese, dhe se opinioni shumë shpejtë do të njoftohet me vendimin e tij. Pacolli i bëri këto komente, pasi një ditë më parë, Gjykata Kushtetuese e vlerësoi si të pranueshme ankesën e LDK-së dhe AAK-së lidhur me mënyrën e zgjedhjes së presidentit të Kosovës, duke vlerësuar kështu se vendimi për zgjedhjen e tij ka qenë jokushtetues.

“Ende nuk e kam marrë vendimin e gjykatës lidhur me mënyrën e zgjedhjes së presidentit të Kosovës. Besoj se më së largu nesër do të njoftohem zyrtarisht me këtë vendim. Sidoqoftë, ashtu siç kam deklaruar edhe më parë, unë do ta respektoj vendimin e Gjykatës Kushtetuese”, ka deklaruar presidenti Pacolli në një intervistë për RTK-në, e cila do të emitohet pas orës 20:00.

“Është fat që e kemi Gjykatën Kushtetuese dhe e përsëris se unë do ta respektoj vendimin e saj, pikë për pikë. Sepse, Gjykata Kushtetuese është e shenjtë dhe duhet të respektohet”, tha presidenti i Kosovës, i cili pas vendimit të gjykatës se procedura e zgjedhjes së tij ishte jokushtetuese, do të detyrohet të jep dorëheqje nga pozita e presidentit ose do të iniciohet procedura e shkarkimit nga ana e Kuvendit të Kosovës. Është përfolur edhe opsioni që të ripërsëritet votimi për zgjedhjen e tij në Kuvend.

Në këtë intervistë, presidenti Pacolli, i cili edhe si lider i Aleancës Kosova e Re, në vazhdimësi ka lobuar për njohjen e Kosovës, ka folur edhe për zhvillime të tjera për dhe rreth Kosovës. Ai ka paralajmëruar se së shpejti Kosovën do ta njohin si shtet sovran dhe të pavarur edhe tri vende afrikane