Forcat e Gadafit zmbrapsin kryengritësit

Tripoli, 30 mars – Kryengritësit në Libi po luftojnë të mbajnë vendet e marra, pasi forcat e Muamar Gadafit kanë rimarrë disa qytete në lindje të vendit.
Kryengritësit kanë humbur tani portin e rëndësishëm të naftës Ras Lanuf dhe qytetin e afërm Bin Xhevad, megjithatë agjencitë njoftojnë se luftimet po vazhdojnë në këtë zonë.
Në perëndim, qyteti i kontrolluar nga kryengritësit, Misrata, vazhdon të sulmohet nga trupat pro-Gadafit.
Presidenti amerikan, Barack Obama, ka deklaruar më parë se nuk përjashton mundësinë e armatosjes së kryengritësve.