Vajza e Gadafit në linjën e parë të frontit

Tripoli, 30 mars - Aisha Gaddafi (34), vajza e udhëheqësit libian, i është bashkuar ushtarëve të babait në linjën e parë të frontit.
Ajo është fotografuar duke përshëndetur dhe inkurajuar ushtarët me flamurin libian në duar.
Për shkak të stilit e pamjes së saj, Aisha ka fituar pseudonimin “Claudia Schiffer e Afrikës Veriore”.
Nga tanku Aisha tha se babai i saj është njeri dhe udhëheqës i madh, dhe siç transmeton “Daily Star”, motivi kryesor i Aishes për t’iu bashkuar ushtrisë është hakmarrja për vëllanë e saj të vdekur, Kamisha.
Besohet se Kamisha 27-vjeçar është vrarë nga një pilot kamikaz gjatë sulmeve ajrore mbi Libinë, ndërsa televizioni shtetëror ka njoftuar të martën se kjo nuk është e vërtetë, dhe se ai është gjallë.