Mbi 300 mijë veta duan të shohin kurorëzimin e Borussia Dortmundit

Dortmund, 1 prill - Më shumë se 300 mijë tifozë të skuadrës lidere të Bundesligës gjermane në futboll, Borussia Dortmund, kanë kërkuar bileta për ndeshjen e fundit të stinorit që skuadra e tyre e zhvillon në shtëpi. Në këtë ndeshje, Dortmundi pritet edhe të ngrejë trofeun për titullin e kampionit të Gjermanisë, pasi ka krijuar një epërsi të madhe ndaj përcjellësve.
Dortmundi më 14 maj do të presë në stadiumin e vet "Signal Iduna Park", Eintrachtin e Frankfurtit. Stadiumi ka kapacitet prej 80 mijë ulëseve. Deri më tash, skuadra lidere gjermane ka marrë 301,752 kërkesa për bileta për këtë ndeshje. Por, në stadium 50 mijë ulëse janë të rezervuara për pronarët e biletave sezonale. Prej 30 mijë biletave të mbetura, tetë mijë do të ndahen për tifozët e Frankfurtit, ndërsa pjesa e tjetër e biletave pritet të ndahet përmes një "lotarie" më 10 prill.
Shtatë javë pa përfunduar stinori në Bundesligën gjermane, Dortmundi kryeson me 62 pikë, shtatë më shumë se Bayeri i Leverkusenit. Hannoveri gjendet në pozitën e tretë me 50 pikë.
Titullin e fundit të kampionit, Dortmundi e fitoi në vitin 2002.
Dortmundi të shtunën në stadium të vet pret Hannoverin, ndërsa të gjitha biletat për këtë ndeshje janë shitur. Po ashtu, janë shitur gjitha biletat edhe për ndeshjen e 17 prillit kundër Freiburgut, ndërsa kanë mbetur vetëm pak bileta për ndeshjen tjetër që Dortmundi e zhvillon në shtëpi më 30 prill kundër Nuernbergut.

Ekipi qe ka Redord per Shikueshmeri.

80.000 kapaciteti Cdo ndeshje 100% mbushet stadiumi.

Bile Biletat Sezonale 1 vit perpara Shiten.