Dhuna në familje, problem mjaft shqetësues në Kosovë

Raporti i publikuar nga organizata Amnesty International mbi të drejtat konstaton se gjatë vitit të kaluar në Kosovë ndër problemet kryesore është paraqitur diskriminimi dhe dhuna ndëretnike si dhe rritja e numrit të incidenteve që ndikojnë tek siguria e vendit dhe që kanë të bëjnë me komunitetet e pakicave
Raporti thotë se çështjet për krime lufte vazhdojnë të trajtohen nga sistemi i drejtësisë, ndërsa vazhdojnë përpjekjet për gjetjen e fatit të më shumë se 1,800 personave të zhdukur.

Raporti vë theksin tek problemi i mosndëshkimit, duke cituar shembullin e policëve rumunë që u larguan në vendin e tyre pas vrasjes së dy pjesëtarëve të lëvizjes Vetëvendosja gjatë protestave në Prishtinë kundër marrëveshjes së bashkëpunimit EULEX-Beograd.
Edhe dhuna në familje, konstaton raporti, është një problem mjaft shqetësues në Kosovë. Mes viteve 2003-2008, janë njoftuar 400 raste sulmesh seksuale, ku mbi një e treta e viktimave ishin nën moshën 16 vjeç. Shumica e rasteve, thotë raporti i Amnesty International, nuk janë denoncuar tek autoritetet e rendit.