KURTI SËRISH KRITIKA NDAJ THAÇIT

Lideri i Lëvizjes Vetëvendosje, Albin Kurti thotë se agjendën e bisedimeve me Serbinë dhe renditjen e temave aty e mban kryeministri, Hashim Thaçi....

Ai në një konferencë për media,tha se bisedimet e këtilla janë të padrejta dhe shumë të rrezikshme. Kosova sipas Kurtit fiton në këto bisedime vetëm nëse i ndërprenë ato.

“Në pyetjen time drejtuar shefes së delegacionit kosovarë për bisedime Edita Tahiri, se si janë përcaktuar këto tema të bisedimeve dhe renditja e tyre, ajo tha që kjo gjë është bërë përgjatë takimeve që ka pasur këshilltari i Baroneshës Ashton, Robert Cooper, me kryeministrin Hashim Thaçi dhe me kryetarin e Serbisë, Boris Tadic, duke filluar nga shtatori i vitit të kaluar në kuadër të përgatitjeve për këto bisedime. Takimet Cooper-Thaçi dhe Cooper-Tadic e kanë sjell këtë agjendë që ende s’është plotësisht publike. Pra, përgjegjësinë e plotë për agjendën, sajimin e kontekstit të bisedimeve dhe renditjen e temave aty e mban kryeministri Thaçi dhe ai do të duhej që të jap llogari se çfarë ka biseduar dhe si është dakorduar me Robert Cooperin për këto tema dhe radhitjen e tyre”, tha Kurti.

“Zëvendës-kryeministrja Edita Tahiri e pranoi që bisedimet në Bruksel ajo i quan “dialog teknik midis Kosovës e Serbisë”, mirëpo Bashkimi Evropian si ndërmjetësues në këto bisedime i quan ato “dialog midis Kosovës e Serbisë”. Pra, BE-ja nuk i quan ‘dialog teknik’ por vetëm ‘dialog’.