Kurti kritikon Mustafën për përkrahjen që i dha Thaçit

Lideri i Lëvizjes Vetëvendosjes, Albin Kurti, ka fajësuar Isa Mustafën dhe LDK-në e tij për presidenten konsensuale. Sipas tij, zgjidhja e vetme dhe më e mirë e krizës do të ishin zgjedhjet e përgjithshme në vend. “Isa Mustafa po mjaftohet me të qenit i pari i kryeqyteti, saqë harron rolin e tij të opozitës, andaj ne nuk e njohim LDK-në e tij si opozitë”, ka deklaruar Kurti.
Koja njofton se në një intervistë dhënë emisionit Rubikon me Adriatik Kelmendin, Kurti ka fajësuar LDK-në e Mustafës se i dhuroi mandat edhe dy vjet e gjysmë Hashim Thaçit. Sipas Kurtit, qeverisja e tij nuk po e forcon Thaçin, por po e dobëson dhe po e dëmton Kosovën.

Kurti, ka deklaruar se ka qenë më e mirë për demokracinë dhe qytetarët e Kosovës që të shkohet në zgjedhje, sesa të gjendet një presidente konsensuale, zgjedhja e të cilës, sipas tij, ka qenë mbi kushtetutën. Për Kurtin, mbajtja e zgjedhjeve të reja në vend do ta largonte nga loja Hashim Thaçin, pasi që, siç tha ai, partia e të cilit dëmtoi imazhin e saj me vjedhjen e votave.

Sa i përket bisedimeve më Serbinë, lideri i Vetëvendosjes ka kërkuar ndërprerjen e menjëhershëm të tyre, ngase me to po i mundësohet Serbisë të fitoi mandatin e kandidates për Bashkimin Evropian. Ndërkaq, sa i përket bashkimit të Frymës së Re me Vetëvendosjen, Kurti, ka thënë se po plotësohen pjesët që i kanë munguar kësaj lëvizjeje. /Telegrafi/