Tannock: Në dialog edhe çështja e ndarjes së Kosovës

Derisa, drejtori i Bashkimit Evropian për Ballkanin Mirosllav Lajcak, tha para parlamentarëve evropianë se ndarja e Kosovës nuk është temë e bisedimeve mes Beogradit dhe Prishtinës, Charles Tannock nga Londra është angazhuar që çështja e ndarjes së Kosovës të përfshihet në dialogun e Beogradit dhe Prishtinës.
Sipas tij, kjo do të kishte si qëllim “gjetjen e një zgjidhjeje të drejtë, duke pasur parasysh se në Bashkimin Evropian është përkrahur edhe dialogu i izraelitëve dhe palestinezëve për ndarjen territoriale”, me moton “territoret për paqen”, njofton QIK.

Këto komente Tannock i bëri të mërkurën gjatë debatit në Parlamentin Evropian kushtuar Ballkanit Perëndimor. /Telegrafi