Tre fuqitë e mëdha të Azisë bisedojnë për Korenë e Veriut

Tre fuqitë e mëdha të Azisë veri lindore, Kina, Japonia dhe Koreja e Jugut po zhvillojnë një samit i cili dominohet nga situata e tensionuar në gadishullin korean. Udhëheqësit e tre vendeve po diskutojnë rreth Koresë së Veriut e cila mbetet kundërshtuese duke thënë se në flotën e saj as që nuk kishte nëndetëse të atij lloji, me anë të së cilës thuhet të jetë fundosur anija luftarake e Koresë së Jugut me emër Chenon.
Liderët e Koresë së Jugut, Kinës dhe Japonisë janë takuar në ishullin Jeju për të përpiluar reagimin e tyre ndaj sulmit, në të cilin humbën jetë 46 marinarë, dhe ka zhytur rajonin në një krizë të rëndë.

Kina në ditët e fundit thuajse e ka dënuar aksidentin, por refuzon ta cilësojë Korenë e Veriut si fajtore.

Kryeministri i Japonisë Yukio Hatoyama, para se të arrinte në samit bëri të qartë edhe një herë mbështetjen e tij për pozicionin në të cilin gjendej Korea e Jugut.

Pyetja që shtrohet , thotë korrespondenti i BBC-së John Sadworth, është nëse Seuli mund ta bindë Kinën që të japë mbështetjen e saj për gjetjet e hetimeve që u bënë nga një grup ekspertësh ndërkombëtarë, të cilët thanë se anija që u fundos në mars u qëllua me një silur të lançuar nga një nëndetëse e Koresë së Veriut.

Kryeministri Wen Jiabao thotë se Kina ende po shqyrëton provat, ndërkohë që Korea e Veriut proteston me zë edhe të lartë kundër akuzave.

Këshilli i plotfuqishëm i Mbrojtjes së Vendit ka dhënë një konferencë të rrallë për shtyp në të cilën tha se e hidhte poshtë të ashtuquajturin sulm pasi për arsye teknike nuk ishte e mundur të ishte bërë nga Koreja e Veriut. /BBC/