Regjistrimi nga Serbia i papranueshëm

Ministri i Administratës Publike, Mahir Yagcilar, ka reaguar ndaj pretendimeve serbe që në muajin tetor të zhvillojnë një proces tjetër të regjistrimit në Kosovë. Ai e ka quajtur të papranueshëm synimin e Beogradit për të kryer regjistrimin në Kosovë.
“Një proces i regjistrimit të popullsisë në Kosovë nga Serbia nuk është i pranueshëm. Kjo është një çështje që për të mund të vendosim edhe me ministritë tjera dhe në qeveri, por për sa i përket procesit të një regjistrimi të tillë, unë mund të them se rezultatet e tij janë të pavlefshme”, ka theksuar Yagcilar, ndërsa citon RTK.

Ai ka thënë se jemi ne bisedime me Komisionin Evropian dhe me UNOPS-in që të bëjmë regjistrimin dhe rezultatet e këtij regjistrimi do të jenë për krejt territorin e Kosovës. /Telegrafi/