Vatikani kritikon qelizën artificiale

“Vetëm Zoti krijon, ndërsa njeriu prodhon”. Me një qëndrim të tillë, Vatikani ka ndërhyrë në debatin e krijuar rreth lajmit të fundit për shpikjen e qelizave artificiale, duke pretenduar që më pas të krijohet pse jo, edhe organizmi apo njeriu artificial.
Qeliza në fjalë është prodhuar në laborator nga ekipi i Craig Bark, por sipas Selisë së Shenjtë, ajo kurrsesi nuk mund të përkufizohet si "krijimi i jetës", pasi në fund të fundit, mbetet një produkt teknik i njeriut.

Një qëndrim të tillë e ka deklaruar kryetari i Këshillit Papnor për profesionistët e shëndetit, Zygmunt Zimovski, për Radio Vatikanin.

“Është e papërshtatshme, dhe unë e përsëris, është e papërshtatshme për të përcaktuar realizimin e këtyre lloj qelizave si një akt krijues apo krijim i mirëfilltë i jetës. Vetëm Zoti krijon, njeri prodhon. Ky është një produkt i njeriut, jo një krijim. Kjo është, pa hequr nga vlera e studiuesve, një ndryshim me atë që tashmë ekziston, pra, të biologjisë sintetike", mësohet të jetë shprehur Zimovski. /NOA/