Qeveria nuk din për emërimin e kolonelit rumun

Koloneli rumun, Marian Petre, është emëruar shef i Departamentit të Policisë Speciale në kuadër të EULEX-it, bëjnë publik mediet rumune.
Lidhur me emërimin e kolonelit rumun në krye te Policisë Speciale të EULEX-it, Qeveria e Kosovës nuk është e informuar.
Ministri i Punëve të Brendshme, Bajram Rexhepi ka tha përmes telefonit për Kosovapress se nuk është i informuar zyrtarisht, ndërsa lajmin e ka dëgjuar nga mediat.
Kosovapress ka tentuar të kontaktojë edhe zyrtarët e EULEX-it, por nuk ka mundur të marr një prononcim të tyre.
Sipas medieve, Qeveria e Rumanisë citohet të ketë thënë se ky emërim është rezultat i hapave të përbashkët të institucioneve të Rumanisë dhe zyrave përgjegjëse për emërime të tilla të Bashkimit Evropian.
“Kjo është pozita më e lartë në organogramin e EULEX-it rreth dimensioneve planifikuese të operacioneve policore”, thuhet në një njoftim të lëshuar nga Ministria e Brendshme rumune.
Sipas njoftimit, Marian Petre është trajnuar brenda Inspektoratit të Përgjithshëm të Xhandarmërisë Rumune dhe ai me sukses i kaloi të gjitha fazat e karrierës së tiji profesionale.
Rumania është njëra nga pesë shtete e BE-së, që e kundërshton pavarësinë e Kosovës