Biznesmeni që me tatuazhe promovon paqen në botë

New Delhi, 28 prill – Një biznesmen hindus në trupin e tij ka mbi 300 flamuj të bërë tatuazh të vendeve të ndryshme të botës. Synimi i tij është të promovojë paqen në botë.
Har Prakash, i cili e quan veten Guinness Rishi, ka në trupin e tij mbi 305 flamuj dhe 185 harta të vendeve. Por, ai nuk do të ndalohet, pasi dëshiron të vendosë rekord botëror.
Har merret me prodhimin e pjesëve të veturave në New Delhi. Me tatuazhe ka filluar më 2009, dhe planifikon t’i shtojë për t’u regjistruar në librin e rekordeve botërore.
“Ëndrra ime është të udhëtojë nëpër botë disa herë. Dëshiroj që fëmijët e gjithë botës të më pyesin ku kam bërë tatuazh flamurin e tyre, ta gjejnë dhe të shohin flamujt e vendeve të tjera”, ka shtuar.
Ky hindus është pronar i 22 rekordeve botërore, një prej të cilëve është edhe dërgimi i picës nga New Delhi në San Francisco.