Ministri Mujota në forumin ndërkombëtar në perspektivën e Korridorit 8

Ministri i Infrastrukturës në Qeverinë e Kosovës, Fehmi Mujota, me ftesë të ministrit të punëve Publike dhe Transportit të Shqipërisë, Sokol Olldashi, po merr pjesë në Forumin Ndërkombëtar të Industrisë së Porteve dhe Infrastrukturës në perspektivën e Korridorit 8.

Në këtë forum do të diskutohen çështjet që kanë të bëjnë me shfrytëzimin e porteve, autostradave dhe hekurudhave, të cilat do të jenë mundësi më e mirë për të bashkëpunuar në mes të Kosovës dhe Shqipërisë, si dhe një mundësi më e mirë e bashkëpunimit mes dy vendeve në fushën e transportit për transportimin më të lehtë të njerëzve dhe mallrave.

Në këtë forum, gjithashtu po diskutohen temat që kanë të bëjnë me thellimin e bashkëpunimit ne mes dy vendeve fqinje, si dhe vendeve të rajonit për funksionalizimin e këtij bashkëpunimi në masën më të madhe të mundshme, i cili do të këtë impakt në zhvillimin ekonomik të vendeve dhe duke krijuar lehtësira për zhvillimin e biznesit. /Telegrafi/