Hoxhaj në Forumin e Luksemburgut

Me ftesë të përfaqësueses së lartë të BE-së, Catherine Ashton,
ministri i Punëve të Jashtme, Enver Hoxhaj, do të marrë pjesë në Forumin
për Ballkanin Perëndimor, që do të mbahet të hënën në Luksemburg.Bashkëpunimi
Rajonal dhe perspektiva Evropiane e Ballkanit Perëndimor, do të jetë
ndër temat kryesore që do të diskutohen në këtë forum, ku pritet të
marrin pjesë të gjithë ministrat e Punëve të Jashtme të Bashkimit
Evropian dhe të Ballkanit Perëndimor.
Ministri Hoxhaj, po ashtu, do të ketë takime të ndara me baroneshën
Catherine Ashton, si dhe me shumë ministra të Punëve të Jashtme të
shteteve të BE-së dhe Ballkanit Perëndimor që do të marrin pjesë në këtë
forum. /Telegrafi/