Partitë maqedonase injorojnë kërkesat shqiptare

Partitë më të mëdha politike maqedonase nuk dëshirojnë të komentojnë kërkesat dhe çështjet e pazgjidhura të shpalosura nga shqiptarët si komuniteti dytë në Maqedoni.

Përfaqësuesit më të lartë shtetërorë të institucioneve vazhdojnë të heshtin përballë zërit të ashpër të faktorit politik shqiptarë opozitar. Si kryeministri Nikola Gruevski, ashtu edhe presidenti Gjorgje Ivanov kanë hedhur poshtë nga agjendat e tyre çështjet e pazgjidhura dhe ngecjet që kanë të bëjnë me shqiptarët dhe se kjo situatë po ndodhë edhe pas shumë zërave të ngritur dhe së fundi mesazheve të lëshuara nga kampi politik opozitar shqiptar.

VMRODPMNE vazhdon të luajë me kartën e emrit, agjendën ekonomike dhe projektin “Shkupi 2014” dhe se këto çështje sipas tyre janë në agjendën kryesore të interesave shtetërore.

Përfaqësues dhe deputet të VMRODPMNE kanë mohuar të flasin se në Maqedoni ka çështje të hapura shqiptare. Moszbatimi i gjuhës shqipe si gjuhë zyrtare, mospërdorimi i simboleve kombëtare shqiptare, aplikimi i gjuhës maqedonase për nxënësit shqiptarë nga klasa e parë, moszgjidhja e statusit të veteranëve të UÇK-së dhe problemet e shkollave shqipe, janë problemet e krijuara.

Nga blloku opozitar kanë theksuar se vazhdimisht kanë tërhequr vërejtjen për politikat qeveritare që shkaktojnë tensione dhe marrëdhënie të acaruara politike.

Gordan Georgiev, nënkryetar i LSDM-së ka alarmuar qëndrimin partiak se në rast të politikave të tilla izoluese dhe pa ardhmëri për qytetarët duke bllokuar proceset eurointegruese, vendi do të përballet me probleme ndëretnike.

Ai ka përsëritur deklaratën e kreut të kësaj partie për mospërjashtimin e tensioneve në rast të vazhdimisht të politikave të tilla qeveritare, ku vlerësohet se në rast të vazhdimit të bllokadës të integrimeve tona euroatlantike, është e mundur që bashkëqytetarët tanë shqiptarë të fillojnë sa më zëshëm ta bëjnë pyetjen që deri kurë për shkak të pyetjeve historike dhe të identitetit do të sakrifikojnë të ardhmen evropiane dhe euroatlantike të tyre. Ajo nuk donë të thotë se do të ketë konflikt por mund të fillojnë tension të përhershme, mosmarrëveshje dhe ulje të besimit ndërmjet tyre". Një pjesë e partive minore maqedonase vazhdojnë të përdorin fjalorin nacionalist kundrejt kërkesave të shqiptarëve në Maqedoni. /INA/