Amerikanët ia falin Bondsteelin Turqisë, Serbia në panik?

Largimi i paralajmëruar amerikan nga baza në afërsi të Ferizajt
ka shkaktuar rrëmujë në mesin e analistëve dhe teoricienëve ushtarakë
serbë, marrë parasysh paralajmërimin që bazën do të mund ta trashëgonin
pikërisht turqit, citon Dnevni Avaz shkrimin e Frankfurt News-it.Në
kuadër të kthimit të madh në Ballkan, Turqia do të mund të hyjë bazën
ushtarake amerikane afër Ferizajt, Bondsteel, të cilën forcat e SHBA-së
do ta braktisin së shpejti merr vesh Frankfurt News, duke u thirrur në
burime diplomatike, shkruan gazeta boshnjake Dnevni Avaz.
Sipas gazetës bëhet fjalë për bazën më të madhe ushtarake amerikane
të ndërtuar jashtë kufijve të SHBA-së pas luftës në Vietnam, transmeton
Koha Ditore.
Largimin nga baza në afërsi të Ferizajt e ka paralajmëruar nga fundi i
marsit ambasadori amerikan në Prishtinë, Christopher Dell, për shkak të
harxhimeve të mëdha financiare, një gjë që ka shkaktuar rrëmujë në
mesin e analistëve dhe teoricienëve ushtarakë serbë, marrë parasysh
paralajmërimin që bazën do të mund ta trashëgonin pikërisht turqit.
Ninoslav Krstic, ish komandat i forcave të bashkuara serbe të
sigurisë, thotë se një skenar i tillë Serbisë assesi nuk mund t’i
konvenojë.
Ish drejtori i agjencisë ushtarake serbe për zbulim, Momir Stojanovic
ka thënë po ashtu se ia ka frikën hyrjes së forcave ushtarake turke në
Kosovë. /Telegrafi/