Serbia dhe Bosnja kërkojnë ndihmën e Turqisë

Beogradi dhe Sarajeva kanë kërkuar ndërmjetësimin e Turqisë lidhur me krizën e krijuar mes dy vendeve pas anulimit të vizitës së Haris Silajdzicit në Serbi.
Vizita u anulua pasi autoritetet serbe nuk e lejuan Silajdzicin të takonte Ilija Jurisicin, qytetar i Bosnjë-Hercegovinës, që vuan dënimin për krime lufte në Serbi.

Jurisic, ish politikan kroat i Bosnjës, është dënuar nga Beogradi me 12 vite burg për pjesëmarrje në vrasjen e ushtarëve jugosllavë gjatë një incidenti të ndodhur në Tuzla në vitin 1992.

Serbia ka kërkuar nga Ankaraja, që të ndikojë mbi kreun e presidencës boshnjake, që të heqë dorë nga takimi me Jurisicin. Edhe Bosnja ka kërkuar ndihmën e Turqisë që të lejohet vizita tek Jurisici, njoftojnë mediat në Beograd. /rel/