KMLDNJ: Personat e pagjetur nuk duhet trajtuar njëjtë si paraushtarakët e zhdukur

Këshilli për Mbrojtjen e Lirive dhe të Drejtave të Njeriut (KMLDNJ) ka dënuar fshirjen e emrave të të pagjeturve të nacionalitetit serb nga muri i improvizuar i të pagjeturve, i vendosur ditë më parë në qendër të Prishtinës.
KMLDNJ përmes një komunikate për shtyp e ka cilësuar këtë akt si “të papranueshëm dhe jo human”.

KMDLNJ thekson se ajo me të cilën nuk pajtohet është fakti i trajtimit të barabartë edhe i personave të pagjetur me ish ushtarë dhe paramilitarë serbë të angazhuar apo vullnetarë.

Sipas kësaj organizate, ushtarët e paramilitarët serbë ishin nën komandë dhe gatshëm për të vrarë dhe masakruar. Trajtimi i tyre, sipas KMLDNJ-së, duhet të bëhet konform konventave ndërkombëtare. /Telegrafi/