Përgënjeshtrohet angazhimi i Clintonit dhe Ahtisaarit për njohje

Ministri i Punëve të jashtme, Enver Hoxhaj ka përgënjeshtruar mediat serbe të cilat raportuan se ish-presidenti amerikan Bill Clinton dhe ish-presidenti finlandez Martti Ahtisaari kanë pranuar ftesën e autoriteteve të Prishtinës për të lobuar për njohjen e pavarësisë së Kosovës.

Po ashtu Hoxhaj ka mohuar edhe ndarjen e 10 milionë eurove për lobim për njohjen e pavarësisë së Kosovës.

“Absolutisht jo. Nuk është e vërtetë. Jam shumë i kujdesshëm për të komentuar ato se çfarë thonë mediet serbe”, ka deklaruar thënë shefi i diplomacisë kosovare në një intervistë për Radio Dukagjini.

Hoxhaj ka mohuar angazhimin zyrtar të ish-presidentit amerikan dhe nobelisti për të lobuar për njohjen e pavarësisë së Kosovës.

“Unë si ministër i Punëve të Jashtme nuk kam një informatë të tillë. Ndërsa dihet që presidenti Clinton ka qenë fuqishëm i angazhuar në mbështetje të Kosovës dhe Ahtisaari ka pasur një rol kyç në procesin e negociatave në Vjenë. Mirëpo, absolutisht nuk mund të ju them se diçka e tillë ka ndodhë dhe ndodhë”, ka thënë ai.

Ditë më parë gazeta serbe Blic, duke u thirr në burime të Ministrisë së Jashtme të Serbisë, ka shkruar se 10 milionëshi i Prishtinës zyrtare është dhjetë fish më e madhe se sa që Serbia ndan për ta penguar procesin e njohjeve të Kosovës. /Telegrafi/