Fitou: Zgjidhjet për veriun nga Pakoja e Ahtisaarit

Ambasadori francez, Jeans-Francois Fitou u ka bërë thirrje të gjitha palëve që para se të propozojnë plane të ndryshme për veriun e Kosovës të lexojnë Pakon e Ahtisaarit.
Sipas tij, ky plan është më i avancuari dhe garanton të gjitha të drejtat e mundshme për komunitetet. Në intervistën për gazetën Koha Ditore, ai ka thënë se nuk duhet dhënë vlerësime për veprimin e Qeverisë së Kosovës, më 25 korrik.

Ai ka thënë se veprimi duhet kuptuar si veprim i një shteti sovran dhe duhet vazhduar përpara.

Sipas ambasadorit francez, zhvillimet kanë krijuar mundësinë për një dinamikë të re në dialogun mes Kosovës e Serbisë. /Telegrafi/