Barroso së shpejti do ta vizitojë Kosovën

Zëvendëskryeministri, njëherësh ministër i Drejtësisë, Hajredin Kuçi është takuar me drejtorin për Ballkanin Perëndimor në Komisionin e Bashkimit Evropian (BE) për zgjerim, Pierre Mirel. Ky i fundit rikonfirmoi gatishmërinë e KE-së, për mundësinë e nënshkrimit të marrëveshjeve në të ardhmen, në mes të Qeverisë së Kosovës dhe institucioneve të BE-së.

Në njoftimin për media u tha se në takim u bisedua për veriun e Kosovës, për të arriturat e Ministrisë së Drejtësisë, për bashkëpunimin me EULEX-in dhe për procesin e liberalizimit të vizave.

Kuçi ka falënderuar drejtorin Mirel, për përkrahjen e gjertanishme të Komisionit Evropian ( KE) për Kosovës dhe ka thënë së institucionet e Kosovës, janë duke punuar me përkushtim të madh në përmbushjen e detyrave që kanë dalë nga Raportit i Progresit i vitit 2010, në mënyrë që Raporti i Progresit i vitit 2011, të del sa më pozitiv.

Ministri Kuçi tha së sundimi i ligjit mbetët pika kryesore, në të cilën duhet punuar me shumë.

Ndërkaq drejtori për Ballkanin Perëndimor në Komisionin e BE-së për zgjerim, Pierre Mirel, ka shprehur gatishmërinë për vazhdimin e asistencës për Kosovën nga Komisioni Evropian dhe ka rikonfirmuar qëndrimin e qartë të KE-së, për perspektiven evropiane të Kosovës.

Mirel rikonfirmoi gatishmërinë e KE-së, për mundësinë e nënshkrimit të marrëveshjeve në të ardhmen, në mes të Qeverisë së Kosovës dhe institucioneve të BE-së.

Në këtë takim, u bë e ditur së kryetari i Komisionit Evropian, José Manuel Barroso, së shpejti do ta vizitojë Kosovën. /Telegrafi/