Të shtëna në Doberçak të Zubin Potokut

Në fshatin Doberçak të Zubin Potokut janë dëgjuar të shtëna armësh nga një grup i serbëve, pjesëtarë të strukturave paralele.

Burime ndërkombëtare të Kosovapress-it bëjnë të ditur se në fshatin Dobërçak të Zubin Potokut situata është e tensionuar, pasi janë dëgjuar të shtëna armësh nga një grup i serbëve, pjesëtarë të strukturave paralele.

Ata kanë shtënë në drejtim të 7 rojeve të pyllit. Sipas këtyre burimeve, rreth 30 serbë të strukturave paralele kanë shkuar në këtë fshat për të prerë pemët në një plantacion, pronë e shtetit të Kosovës, dhe në momentin kur rreth 7 roje kanë tentuar të ndalin veprimin e serbëve, janë dëgjuar të shtëna armesh në drejtim të tyre.

Në drejtim të fshatit janë nisur forca të KFOR-it, EULEX-it dhe Policisë së Kosovës, kurse situata mund të eskalojë, transmeton Koha. /Telegrafi/