Vazhdon bllokada në Zubin Potok

Dhjeta biznesmenë serbë nga Zubin Potoku, në veri të Kosovës,
kanë vazhduar edhe të mërkurën të mbajnë të bllokuar rrugën në
magjistralen Mitrovicë-Ribariq, duke protestuar për shkak të arrestimit
të kolegut të tyre Jevrem Pantelic.Presidenti i shoqatës së
biznesmenëve, Ratomir Bozovic ka thënë të mërkurën për mediat serbe ka
thënë se do të vazhdojnë me protestat derisa nuk lirohet Pantelici, i
cili ditë më parë është arrestuar nga policia e EULEX-it për përfshirje
në krim të organizuar shmangie të tatimit në shtetin e Kosovë.
Ndërkohë, prapë të mërkurën është pamundësuar lëvizja e KFOR-it në
këtë rajon. Por, komandanti i KFOR-it, Erhard Buehler u ka dërguar
sinjal serbëve të Zubin Potokut, se ai po e humb durimin dhe se ata
duhet menjëherë ta zhbllokojnë rrugën. Buehler nuk ka thënë ndonjë datë
se kur do të intervenohet në hapjen e kësaj rruge, përkundër faktit se
kjo rrugë është bllokuar tashmë shtatë ditë.
Lidhur me dërgimit të njësisë speciale të Policisë së Kosovës në
veriun e Kosovës, Buehler ka thënë se kjo mbetet në duart e ministrit të
Punëve të Brendshme, Bajram Rexhepi dhe drejtorit të përgjithshëm të
Policisë së Kosovës, Reshat Maliqi. /Telegrafi/